Friday, December 22, 2006

Seasonal Wishes

Blythe Yule an a Guid New Year tae yese aw!

Wikipaedia in Scots

I didnae ken there a Scots version o Wikipaedia afore I funt it this forenuin, but here it's for aw them that wants it. For aw I'm no ower canty wi ae-twae pynts o the spellin they yaise, I'm fair taen wi the fack it exists. Forby, tae judge fae the wee tait I hae read the day, the writin is caller enough an yon's the maist important hing.

Friday, December 15, 2006

Draft Culture (Scotland) Bill

The Scottish Executive has publishit its draft Culture (Scotland) Bill for consultation. This merks an important juncture for airts and culture policy in Scotland, but The Scotsman reports that James Boyle, the heid o the Cultural Commission that the Executive set up tae draw up a vision for Scotland's cultural policy, is no at aw canty with the draft bill. Likewise, The Herald's report and editorial willnae be canty readin for them at Victoria Quay. A wee tait o a contrast wi the warm words on the Executive's ain site.

Monday, December 11, 2006

SLC's Yule Pages

The Scots Language Centre wabsite has a wheen new pages anent Yule and New Year. There sangs, stories and even a wee animation. It's a braw addition tae the site.